Исимова Айгерим Токтаровна 1989 жылы 12 наурызда Жамбыл ауданы, Луговой станциясында дүниеге келді. 1996 жылы Шығыс Қазақстан облысы, Жарма ауданы, Үшбиік ауылындағы Ақтайлақ би атындағы орта мектептің 1-сыныбына қабылданып, 2007 жылы аталған білім ордасын аяқтады. 2007 жылы Қ.И. Сатпаев атындағы Қазақ ұлттық техникалық университетінің 5B071900 – «Аспап жасау» мамандығына оқуға түсіп, 2012 жылы бакалавриат бағдарламасын сәтті аяқтады. Сол жылы аталған университеттің магистратурасына қабылданып, 2014 жылы «техникалық ғылымдар магистрі» академиялық дәрежесіне ие болды. 2018 жылы әл-Фараби атындағы Қазақ ұлттық университетінің 6В071900 – «Радиотехника, электроника және телекоммуникациялар» мамандығы бойынша докторантурасына түсіп, 2021 жылы докторантураның оқу жоспарын толықтай меңгеріп бітірді. 2025 жылы Қ.И. Сатпаев атындағы Қазақ ұлттық техникалық зерттеу университетінде «Механикалық дірілді электрлік сигналға түрлендіру құрылғысы» тақырыбында диссертациялық жұмысын сәтті қорғап, PhD докторлық дәрежесін алды. 2014 жылдан қазіргі уақытқа дейін әл-Фараби атындағы Қазақ ұлттық университетінің физика- техникалық факультеті, қатты дене физикасы және бейсызық физика кафедрасында аға оқытушы қызметін атқарады. Негізгі ғылыми-педагогикалық бағыты – аналогты және сандық электроника, схемотехника.